شعری از مهناز دهقان
خلاص اولوبدی ستم دن حسین عزالی باجون
گلیب دی مدفنیوه قلبیدن یارالی باجون
گئچه نده قتگه ایندن او قانلی گوداله
نئجه سالوبدی ئوزون باقلی قول وفالی باجون
گورنده نٲشیوین ئوسته او سنگ پاره لری
قیامت ائتدی او دم قومیدن آرالی باجون
دولاندی کوفه نیده،شامیده...نه عزتیله
سینیق کجاوه نین ئوسته باشی بلالی باجون
دیوم کی غارت اولوبدور خزانه‌ی عمروم
اینانمیرام قالا سنسیز بئله،حیالی باجون
دیوم نه حالیله آرام ائدیب دی قیزلاریوی
دیه ن ده لب لریوه خیزران،نوالی باجون
دولاندی غم لریله کوفه نی نه لر گوردی
قاییتدی گلدی دوباره بو ماجرالی باجون
گوزون یاشیله دئدی "یاسلی"نوحه سین بو گئجه
دعا ائدیب دی اونی ایندی کربلالی باجون
#مهناز_دهقان
#اربعین_تسلیت
#شعر_و_نوحه_ترکی